Hippabandið lifir - Ávallt ungur

Hér er eitt gott lag með okkar ástkæru skólahljómsveit  Hippabandinu.  

Fyrir þá sem eru farnir að gleyma og hina sem ekki voru þann vetur þá var hljómsveitin starfandi í Reykjaskóla veturinn 1981-1982 okkur og vonandi þeim sjálfum til mikillar skemmtunar. Sveitina skipuðu þeir Geir Karlsson gítar, Júlíus Ólafsson söngur, Eiríkur Einarsson gítar, Ragnar Karl Ingason bassi og Hrafn Valgarðsson trommur.

Hljómsveitin samdi og spilaði mikið af eigin tónlist eins og svo margar hljómsveitir á þessum árum og var sveitin dugleg að halda tónleika á Reykjaskóla og víðar.

Sumarið 1982 gerði Hippabandið út frá Hvammstanga en þá tók Skúli Þórðarson við trommukjuðunum af Hrafni. Spilaði sveitin á nokkrum eftirminnilegum dansleikum þá um sumarið en hætti störfum um haustið.

Lagið sem hér hljómar er frumsamið og heitir ,,Ávallt ungur" og er upptakan frá lokatónleikum sveitarinnar sem haldnir voru í Félagsheimilinu á Hvammstanga.

Athugasemdir

[Imba (IP-tala skráð) 21.7.2008 kl. 19:26]

ALGJÖR SNILLD !!!!!

[Herdís Sigurjónsdóttir, 21.7.2008 kl. 21:26]

Já það þótti mér líka þegar ég heyrði lagið, bara eins og ég hefði heyrt það í gær, en ekki fyrir nærri þrjátíu árum síðan.

Það eru fleiri Reykjaskólasmellir væntanlegir á síðuna á næstu dögum ... bíðið bara

[Bjarki Franzson (IP-tala skráð) 22.7.2008 kl. 00:30]

Sammála, þetta er mikið eyrnakonfekt sem eldist eins og gott vín. Hvað með kombakk hippana ? Viss um að strákarnir hafa engu gleymt. Hver vill ekki heyra gömlu smellina um hestinn sem hló og geðveikina ?

Kveðja, Bjarki