Sr Þorgrímur G Daníelsson skólabróðir okkar

Mér þótti þetta frekar spaugilegt, en er ekki viss um að skólabróðir minn Sr. Þorgrímur G Daníelsson, sóknarprestur í Grenjaðarstaðarprestakalli í Þingeyjarprófastsdæmi sé mér sammála. Og þó! Ég vona a.m.k. að okkar maður hafi ekki óvart farið í rangan "búning" við setninguna.

Þorgrímur minn, þú verður að fyrirgefa mér spaugið, ég treysti því að þú mætir á mótið í ágúst.

Prestastefna hófst með messu í kvöld

Gummi Magg, giftingin og mótorhjólið

Þann 6. júní var hér á síðunni birt frétt um nýjustu Reykjaskólahjónin, þau Jónínu Hafdísi og Gumma Magg. Frést hafði að Gummi hefði keypt sér mótorhjól og voru skiptar um það hvort mótorhjólakaupin tengdust eingöngu þessum dæmigerða gráa fiðringi sem hrjáir jafnan menn á hans aldri  eða hvort þetta hefði eitthvað með giftinguna að gera og var Gummi beðinn um nánari skýringar.

Hér birtist svar Gumma.

8.6.2008 | 21:46

Getur ógift kona orðið ekkja?

Fólk hefur verið að spekulera í því hverju það er mynd af mótorhjóli með myndum úr giftingunni. Það er nú bara þannig að ég hafði verið fyrir þvílíkum þrýstingi að koma mér í hnapphelduna að það var allt notað á mig.Þið skuluð ekki halda það að ég hafi verið eitthvað hræddur við að kvænast Jónínu, heldur var það að fínna tíma. En ég hef lagt það í vana minn að láta það bíða sem má bíða og þetta mál komst aldrei á topp fimm fyrr en í mars sl. þegar málið fór í fyrsta sæti bara kvist bang búmm. Ég láði mál á því heima að vegna anna og snjóleysis, gæti ég ekkert notað sleðann og væri að íhuga að fá mér mótorhjól. Var það gripið með de samme hjá Jónínu og samþykkti hún það með því skilyrði að ég hjólaði ekkert fyrr en við værum gift. Því ógift gæti hún ekki orðið ekkja. En það var trúin á mínu aksturslagi. En með þetta samþykki fór ég og pantaði hjól og sagði að það lagi ekkert á. En viti menn, rétt fyrir páska datt ég um þetta fína hjól,eins og ég pantaði, verslaði það og hefur það staðið inní skúr og var ekki hreyft fyrr en 31 maí sl. Það skal tekið fram að ég fékk að velja daginn og þó svo að hjólið hefði staðið í einhverjar vikur þá valdi ég dag sem á ekki vera hægt að gleyma. Jónína á nefnilega afmæli þann 30 og það ætti að vera farið að síast inní mig eftir 26 ár í sambúð.

En brúðkaupsdagurinn var bara frábær. Við fórum til fógeta og var það mun formlegra en ég hafði reiknað með. Kristjana sagði að þetta hafði ekki verið ekta, því það var ekki í kirkju. Svo fórum við á Sögu og borðuðum það og gistum um nóttina. Sjöfn fannst alveg frábært að rölta bara yfir götuna til að fara í 10 bíó.

Svo erum við á leiðinni til Danmerkur á foreldradag í skólanum hjá Báru og verður afrakstur vetrarins sýndur þar. Það hefur verið upplifelsi hjá henni að kynnast heimavistaskóla og að komast að því að trúleg hefur hún sótt um vitlausan skóla. Þegar hún fór að kynnast krökkunum kom í ljós að dönsku krakkarnir höfðu allir verið sendir í þennan skóla vegna ýmissa mála, misnotkunar, eiturlyfjaneyslu, rekinn að heiman eða bara eitthvað annað. Fannst þeim undarlegt að hún hafi viljug sótt um. En það verður gaman að koma út að hitta nýju vinina hannar. Eða þá sem er ekki búið að vísa úr skólanum.

_______________________________________________

Já ekki hefði ég viljað missa af þessu heimavistarlífi okkar í Reykjaskóla fyrir nokkurn mun og ég er alveg 110% viss um að ég sótti ekki um vitlaustan skóla ..... 

Bara Jón maður síðasta mánaðar

Ég fór í smá rannsóknarleiðangur á veraldarvefnum og fann þessa líka áætu heimasíðu um Reykjaskóla sem Pétur Jónsson bekkjarbróðir okkar Guðlaugar Bjarna frá skólaárinu 1982-1983 og tiltölulega nýfundinn frændi minn setti upp í tengslum við byggðasafnið að Reykjum um síðustu aldamót .......

Pétur minn það væri nú gaman að halda áfram með þessa síðu, kannski hægt að fá aðstoð frá manni síðasta mánaðar .

____________________________________________________

Svo skrifaði elsku Pétur 

Á sínum tíma skipuðu héraðsskólarnir sem staðsettir voru um allt land mikilvægan hlekk í mennta- og menningarlífi landsins. Einn af þessum skólum var Héraðsskólinn að Reykjum í Hrútafirði eða Reykjaskóli eins hann var kallaður í daglegu tali. Í hugum flestra þeirra sem voru nemendur við skólann eða tóku á einhvern hátt þátt í starfi hans lifa ógleymanlegar minningar um atburði, samferðafólk og vináttubönd sem þau bundu í Reykjaskóla á sínum tíma. 

Með uppsetningu þessarar heimasíðu um Reykjaskóla er gerð tilraun til að halda á lofti minningu skólans og vinna að því að hið merka menningarstarf skólans gleymist ekki heldur verði gerð tilhlýðileg skil í framtíðinni.

Maður síðasta mánaðar

Maður mánaðarins hefur enn þá ekki verið verið kosinn. En maður síðasta mánaðar var  Bara-Jón eða Jón Jónsson frá Steinadal í Kollafirði. Drengurinn er fæddur þann 5. apríl  1968. Auk þess að vera drengur góður er Bara Jón valinn maður mánaðarins fyrir þann dug og djörfung að synda gegn öllum landsbyggðarstraumnum og flytja norður á Strandir með stóra fjölskyldu og framsækið fyrirtæki  Jón kom að skólanum haustið 1981 og ekki er hægt að segja að staulinn hafi verið mikill fyrir mann að sjá við komuna að skólann. En það má reyndar telja honum til tekna að hafa verið ári yngri en flestir bekkjarfélagarnir. 

Jón er útskrifaður þjóðfræðingur frá Háskóla Íslands, auk þess sem hann stundar mastersnám í sagnfræði í frístundum.

____________________________________________________

.......... og enn lifir Bara Jón (sem er líka frændi minn) óuppfærður á Reykjaskólavefnum.

En allt er þetta satt og rétt og hef ég fylgst með honum Jóni í gegnum árin og veit að hann hefur líka afrekað ýmislegt annað, enda sannur galdrakarl af Ströndum. Hann kláraði meistaranámið árið 2006 og er greinilegt að Strandaloftið fer vel í karlinn því hann er með langan afrekalista og er m.a. ritstjóri og ábyrgðarmaður hinnar vinsælu heimasíðu Strandir.is, heldur þessari úti um sig og sína og þessari um Ferðaþjónustuna sína að Kirkjubóli.

kv, Herdís frænka

Hér er "smá" ítarefni sem síðast var uppfært fyrir ári síðan og birtist á ReykjavíkurAkademíunni.

Ég man, Reykjaskólaminningar Hrefnu Gissurar (Höbbu)

Þessar minningar eru ritaðar af því tilefni að þann 9. ágúst n.k ætlar hópur fólks sem voru nemendur á Reykjaskóla í Hrútafirði að hittast. 28 ára afmæli er það kallað (það getur reyndar ekki verið að það sé svo langt síðan) en þetta ár er eitt það skemmtilegasta í mínum minningum.  

Fyrir alveg rosalega mörgum árum (þegar ég var unglingur) :-) (er það SAMT enn) var ég send í , heimavistarskóla vegna þess að ég var víst baldin?óþekk og var á villigötum? ( mamma sagði það) og hvað haldið þið ég var send á Reykjaskóla í Hrútafirði? gjörsamlega á hjara veraldar að mér fannst. Ég hafði að vísu verið í sveit tvö sumur í Hrútafirði (að passa litla stelpu) á bæ sem heitir Markhöfði, rétt hjá Borðeyri. Mér hefur aldrei leiðst jafn mikið á ævinni og þessi tvö sumur. Eina tilbreytingin í mínu lífi þá var að fá að fara með í Kaupfélagið á Borðeyri :-). Á þessu heimili var ekki einu sinni sjónvarp og fékk ég eitt laugardagskvöldið að horfa á sjónvarp á símstöðinni á Brú (einhverri kommúnu þar) :-) en ég var heppin að því leiti að fólkið sem ég var hjá voru frábær og litla stelpan ekki síður, allavega ( þetta var svona útidúr) ég var send á heimavistarskóla.... og leist mér ekkert á það en ákvað að gegna mömmu og pabba.

Fyrsti dagurinn var sá ömurlegasti í mínu minniklukkan 17.30 langaði mig út að reykja rakst þar þá á gamlan mann með skegg (kennari) (hann var ekki svo gamall eftir allt, þetta var sögukennarinn) sem rak mig inn og sagði að mér að fara að  læra?það væri útivistarbann og á þessum tíma ættu allir að vera læra (lestímar, var þetta kallað) ég varð fúl, fór inni í fússi og leið eins og ég væri í fangelsi. Þarna þekkti ég engan og sá ekki tilganginn í því að hanga þarna, langaði heim. það átti eftir að breytast, næstu dagar fóru í að aðlagast og áður en ég vissi af var ég búin að kynnast fullt af skemmtilegum krökkum. Þessi tími er í dag í mínum minningum það skemmtilegasta sem ég hef upplifað auðvitað kom upp heimþrá stöku sinnum en krakkarnir sem voru á þessum stað voru svo frábær.

Auðvitað gerði maður skammastrik ? strauk af vistinni yfir á strákavistina og svo framvegis. Einu gleymi ég aldrei þegar að það átti að vera lestími þá var nokkuð að krökkum inni hjá mér (nefni engin nöfn) allir voru að reykja (sem mátti alls ekki inni á herbergjum) svo sem betur fer voru allir farnir? þegar kennarasveit stormar inn til mín og var þar okkar ástkæra Jónína fremst í flokki (hún bjó nefnilega fyrir ofan mig) hún spyr (frekar pirruð) var verið að reykja hér inni (ég sat þarna ein í þvílíkum reykjamökk) ,,nei sagði ég" ? hvurslags spurning er þetta, Habba ég sé þig varla fyrir reyk ég bý hérna fyrir ofan þig og vil ekki eiga það á hættu að það kvikni í og hvað þá? Hverjir voru með þér? "O.k sagði ég, ég nennti ekki á smókinn svo ég kveikti mér í,,J hverjir voru með þér, enginn var svar mitt. Ég var kölluð til Bjarna skólastjóra og ég stóð við það sem ég sagði, mér var í raun skít sama um allt. So what?? Rekin það var bara kúl. Þannig að ekkert varð úr neinu, þau trúðu mér ekki að ég hefði reykt öll þessi ósköp og vissu að ég var að hilma yfir einhverjum og ekkert varð úr neinu. Ég gerði eftir þetta mikið í því að ögra fólkinu sem bar vissar skyldur yfir mér. Það þykir mér í dag leiðinlegt, en batnandi mönnum er best að lifa.Annað minnisstætt atvik var þegar ég og nokkrar stelpur sem voru á Vesturvistinni (held Linda og Gunna Dóra ) J afsakið stelpur þetta var soldið fyndið. Okkur langaði svo í smók og vildum ekki að fá Jónínu á náttsloppnum niður ákváðum þess í stað að fara inn í skúringarkompu að reykja. Þá fór Gunna Dóra að kenna okkur mjög skemmtilegar vísur (soldið dónó) við gleymdum okkur alveg, sátum þarna og reyktum og sungum klámvísur hástöfum við vorum nýbúnar að drepa í þegar Lói kennari opnar hurðina (frekar fúll en samt alltaf stutt í brosið ) jæja stelpur hvað eru þið að gera, " við syngja,, voruð þið að reykja? " við neeiiii,, ( við vorum sko búnar að drepa í) mjög skemmtileg minning. (Lói var dönskukennari og honum fannst okkar afsökun mjög skemmtileg, en hún var sú að við hefðum verið að æfa okkur fyrir árshátíðina) Þessi skrif  ættu að heita ég man,

Ég man þegar flest allir fengu matareitrun og allur klósettpappírinn kláraðist?

Ég man eftir þeirri stundu að við biðum eftir að heimsendir væri yfirvofandi.

Ég man eftir þegar ég dansaði jazzballet í Laugardalshöll og fimleikaskórnir mínir gáfu sig í miðjum dansi ( þannig að tærnar spruttu fram) stelpurnar sem voru við hlið mér fengu hláturskast en við kláruðum þó.

Ég man eftir snúðunum hans Lóa og þegar strigaskórinn hans Ísaks lenti ofan í miðjum glassúrsfötunni inni í matsal.

Ég man eftir kjúklingnum.

Ég man eftir stráknum sem var alltaf að hringja heim í mömmu sína ??   

Ég man eftir stráknum sem átti flottu lakkskóna (Jón Þór ?)

ég man eftir stórtónleikum Þursaflokksins og þegar Bubbi og Egó kom, ég fékk áritun á brjóstin.

Ég man eftir Diskó-kvöldunum og Badda Diskó. Hippabandið besta hljómsveit sem hefur verið uppi. Söngvarinn ofurflottur þegar hann lá á gólfinu og söng.

Ég man þegar ég var sett í markið þegar spila átti handbolta (hafði aldrei spilað hann áður) ég varð svo fúl yfir öllum mörkunum og þvílíkt hvað sumir voru miklir fantar að skjóta á mig að ég labbaði út í miðjum leik öskureið yfir þessari meðferð.  

Ég man eftir sólríkum dögum þegar við vorum í sundi og hlustuðum á strákana í Hippabandinu spila í vinstra horninu.

Ég man eftir skemmtilegum samræðum sem ég átti við stelpurnar á Vesturvistinni. 

Á Reykjaskóla kynntist ég ástinni. Ég kynntist manninum mínum. Í dag erum við gift og eigum þrjú börn. Árið eftir að ég var í Hrútafirði þá leiðin til Reykjavíkur þar sem ég fór í FB. Þar voru margir krakkar sem höfðu verið með mér á Reykjum. Það myndaðist góður vinahópur ( sérstaklega strákarnir) sem voru duglegir að koma í heimsókn. Þá gaf ég þeim yfirleitt eitthvað að borða. Pönnukökur voru mjög vinsælar. Dæmigert símtal ,, Habba við erum að koma, getur þú búið til fyrir okkur pönnukökur" Ég bjó á Arahólum og það voru nokkuð mörg góð partí haldin þar. Nágrönnum mínum líkaði ekki þetta framferði. Eitt kvöldið gengum við um stórt svæði Breiðholts þar sem góðir músíkkantar spiluðu á gítar og strollan á eftir söng hástöfum Bubba lög. Eftir þetta  tónleikaferðalag var farið upp í íbúð og eitthvað gott mallað. Sumir fengu stundum að gista. Þetta var ekkert mál. Þetta voru allt vini mínir. Síðan skyldust leiðir. Ég flutti vestur á firði til Arnars og þá datt allt niður. Það er mjög eðlilegt ferli að leiðir skiljast með árunum en þetta var svo gaman og hef oft hugsað til þessa tíma með mikilli eftirsjá. Þetta voru góð ár. Ég vona svo að heilum hug að ég komist á Reykjskólamótið þann 9.ágúst n.k. ég er vissulega farin að plana það en það er þó ekki pottþétt.

Kveðja Habba.

p.s ég á svo margar minningar að þær rúmast á 20 blöð og fulla Reykjaskólamöppu af ljósmyndum J

Orðsending frá sérlegum aðstoðarmanni Hátíðarnefndar

Ef litið er á innlit á síðuna er ljóst að það er mikill spenningur fyrir mótinu (eðlilega!). Í gær komu alls 93 aðilar ... en kannski var þetta allt utanskólafólk því enginn kvittaði .

En að máli málanna. Gaman væri að fá minningarbrot send frá ykkur um veru ykkar í Reykjaskóla til að birta hér á síðunni. Ég las til  að mynda frábæran pistil frá Hrefnu Gissurar í morgun. Ég man vel eftir öllum þessum atvikum sem hún talaði um. Þær voru ROSALEGAR á Vesturvistinni, en við vorum ekki svona miklir villingar stelpurnar á Efstuvistinni he he... Ég er svo sammála því sem hún sagði um gamla fólkið, kennarana. Sveinn, Jónína, Lói og Hjördís og allir hinir gamlingjarnir... fólk sem var rétt rúmlega tvítugt á þessum tíma .

Það sem er svo frábært við svona mót er að það gefur tækifæri til að ná aftur sambandi við fólk sem maður hefur ekki verið í tengslum við áratugum saman. Samnemendur og kennarar sem voru orðin eins og hluti af fjölskylda manns og ég man að ég grét úr mér augun alla leiðina á Blönduós eða kannski var það Varmahlíð þegar leiðir skildu um vorið. Það verður ekki lítið gaman að hitta alla Reykjaskólafjölskylduna aftur í ágúst.

kv, Herdís Sigurjóns

Ný Reykjaskólahjón, Jónína Hafdís og Gummi loksins búin að gifta sig

Eftir því sem ég kemst næst eru þau vinir mínir Jónína Hafdís og Gummi Magg nýjustu hjónin í Reykjaskólahópnum, en þau giftu sig fyrir viku síðan. Það er nú samt ekki svo að þau hafi verið að byrja saman í gær... ekki aldeilis! En það er nú samt merkilegt hvað þau hafa lítið breyst .

Ég heyrði því fleygt að Gummi væri kominn með gráa fiðringinn og búinn að kaupa sér mótorhjól... er þetta rétt Gummi eða hefur þetta eitthvað með giftinguna að gera?

Til hamingju kæru hjón, ég veit hvert þið getið farið í brúðkaupsferð ... þið eruð bara svona tvo tíma að keyra og getið gist á strákavistinni eða í gamla herberginu okkar Jónínu á efstu vistinni .

kveðja, Herdís Sigurjóns, sérlegur aðstoðarmaður orkuboltanna í Hátíðarnefndinni

Nýjar gamlar myndir

Heil og sæl kæru félagar

Nú hefur nýju albúmi verið bætt við með myndum frá skólaárinu 1981-1982.

Við treystum á ykkur. Drífið ykkur nú í geymsluna og safnið saman Reykjaskólamyndum ykkar, sem eru örugglega staðsettar í innsta kassanum í efstu hillunni við hliðina á bláa fótanuddtækinu og sendið okkur þær á  [e-mail]